اليوم كتبت لكم موضوع اتوقع فيه نوع من الفكاهه شوي
واهويمثل حالت المراه السعوديه اذا تبي تسير
اولا:تروح لزوجهاshade وتقول يابو فلان ترانا اليوم بنروح لعشاء آل فلان
والا الابو كانه مبشر
<<<الا روحو واستانسو وانبسطوا ولاترجعون الا متى مابغيتوا<<<يبي الفكه
الام تروح لبناتها والا وحده على النت وحده تكتب خواطر واشعار
وحده ترقص 
وحده تسوي حمام لشعرها 
وشغلات البنات واجده
تقول يابنات اليوم ترى بنروح لآل فلان عندهم عشاء البنات صياح لييييييييييش
ماقلتي لنا من زمان
الحين مايمدينا والام صرخه وحده نطو البنات كلم مختبصين
وحده نايمه تقوم وشوشتها طايره 
تقول يمه انا ماراح اجي معاكم تعبانه بنام 
والا نعله ونتم بكرامه براسها والا البنت من الهبله صحصحت ونطت مع خواتها
يابنات اخلصن مانبي انتاخر ,ياولد جب ملابسك عندي وابنت الصغيره يمه وش البس الام دولابتس مليان … البنت طيب ىهذا احلا ولا هذا الام: التاني …البنت :لا بلبس الاول…الام:قسنم مايطق على جلدتس …البنت:طيب ليه…الام :برد يامال البرده…البنت تبكي 
والله لالبسه ولامابي اروح الام:اعد ثلالثه مالبستيه…
غرفة الاولاد:اقول توقع الثوب هذا اكشخ ولا الثاني
وتناسب معه الجزمه وانتم بكرامه هذي واي شماغ البس خبرك ترى فيه ناس بيشوفوناغمزة<<<الاخ عايش جو
اخوه :انا فاضي لك عساني اسنع نفسي…
غرفة البنات ومادراك ماغرفة البنات…
عراك عند دورة المياه وانتم بكرامه لغسل الشوش<<<وكانها اول مره تشطف
واللي عند المرايه مسويه كدش وعنده جل ومويه
والتانيه:تصايح انقطعت المويه عليها شغلو المويه والثالثه تصايح:بسرعه اطلعي اهلي مشو<<<ماشفت مثل نصبها
وةاللي تبحث عن الاستشوار واللي لقت جزمه والثانيه عند الجيران من شدة الهواش
وحده وش البس هذا ولاهذا ذاك حلو بس شافوه وقد لبتسه وحده مسويه حفله بوجها
وحده نازله لامها دخلي الحلق باذوني وماتسمع ال صياحها كله تبي الزين
والام همها هم …تصايح اخلصو ابوكم خرب بوريه من كثر مايطقه<<<ماهمها الا البوري
والبنات ابي عباتي وين نقابي والثانيه شنطتي والثالثه لحظه بجيب جوالي اختها لاتنسين الشاحن
وحده يمه انتظروني ماحصلت الجزمه وانتم بكرامه…
واختهم الصغيره تفحط من البكاء ماتبي اللبس اللي عليها cry
والام منهاره من برود عيالها…
المهم ركبوا السياره ولا الابو مابغيتو تخلصون الام اسال بناتك الوحده تقول الليله عرسها…
بالعزيمه…البنات جنب بعض لزوم الترززابي ام فلان تشوفني والتانيه وععععععععع مالقيتي الا هذاك وهي ترد اتحداك انتي ماشفتي ذاك الاطخم اللي شفته…love
واذا اشرو عليها تشققت وقفت عضلات وجهها من الحيا والوناسه
والا هي تنط تصب القهوه والشاي لهاللي اشرت عليها لين يغمى على المره من كثر ماشربت من القهوه والبنت يام فلان تقهوي تراك ماتقهويتي<<<خلصت القهوه عليها وتقول ماتقهويتي
اما عاد اذا جت الرجعه وانتهت العزيمه البنات يمه تكفين طلبناك بنجلس عندهم والله ساعتين ونرجع<<<تقصد يومين
الام:والله ماتجلسن رجلي على رجلينكن … البنات يمه يالله…ماصارت…
الام: اقول بس يالله ابوكم عند الباب له ساعه<<<الابو اساسا مابعد جا
البزران يمممممممماه ضاعت نعالي وانتم بكرامه الام والبنات واهل البيت يدورون نعال هالبزرالام:دورها يامال الوجع قايله لك لاتفصخها لين نرجع وفاصخها يالله امش حافي<<<تبي تعقد الولد
تجيهم الحرمه بجزمة ولدها خلاص يام فلان خليه يلبس نعال ولدي وبندور نعاله ونرسلها لكم
والابو ظاغط البوري احس البوري يقول ارحمني الابو لييييييييييييييييش تاخرتوا 
الام :اسال عيالك<<<حاطتها دايم في راس عيالها
وبعده راجعين للبيت وبذالك انتهى مشوار المراه السعوديه عند الذهاب لعشاء او غيره كان الله في عونها…
اتمنى ماكنت ثقيله عليكم واتمنى ان تنال اعجابكم الراقي…
يوووه شي يشيب براس
يسلموو
مير فطسني ضحك هالموضوع
غلاتي والله انتظر جديدك لا تتاخرين تكفين ههههههههههههههههههههههههههههههه
يسلمو
