اليوم جايب لكم (( كودو )) دجاج , وطبعا هي وجبة سهلة التحضير بعد توفر المقادير ….
خلونا نشوف الطريقة والصور المفصلة ……
المقادير :
(( خس مقطع شرائح , فلفل رومي مقطع مكعبات صغيرة , طماطم مقطع شرائح , جبن سائل , جبن شرائح , خبز صامولي حجم كبير , لحم دجاج مقع مكعبات صغيرة , بهارات , مكعب ماجي , ملح , زيت دوار الشمس , بصل مقطع قطع صغيرة ))
نصب الزيت في المقلاة ونكب عليه البصل ونحرك
نضيف مكعبات لحم الدجاج على البصل ونستمر في التحريك
نضيف الفلفل الرومي ونستمر في التحريك
الآن نضيف الملح والماجي والبهارات ونحرك ونحرك ونحرك إلين نقول بس
نغطي المقلاة ونحرك كل دقيقتين لمدة 10 دقايق إلين تستوي الطبخة
نفتح الخبز الصامولي ونجهز الحشو – ترى ما هوب حشو بعير – حشو يعني الحشوة اللي سويناها
ندهن القسم السفلي بالجبن السائل
نرش عليه الخس
الآن دور كشنة الدجاج اللي هي (( خلاصة الحشو – ترى ما هوب حشو بعير !!!!!! خلاص عاد توك معلمنا – يالله إبلشه هو وموضعه ))
نضع عليه شرائح الطماطم
نغطيها بشرائح الجبن …
نلفها في ورق القصدير
وهكذا يكون الشكل النهائي بعد أن نقوم بقطع كل ساندويتش إلى نصفين
وأعذرونا على كثر الصور ….. لكن ودنا ما أحد يخطي بشي مثل ما أنتم عارفين .
* أخيرا (( هل يمكن عمل هذه الطبخة في البر ؟؟؟؟ ))
الجواب : نعم وبكل تأكيد – سهلة وسريعة ولذيذة بعد !!!!!!
وجعلها بالعافية على قليباتكم إن شاء الله .
والله الواحد صايم ومالو حيل ايشوف هل شوفات تسلم ايديك
شكله لذيذه وطريقته سهله وسريعه
الوصفه شهيه ولذيذه
يعطيك الف عافيه يارب
في انتظارك دائما بالقادم
لكن عندي استفسار ايش هي النكهع الخاصه الي تجي في سندوتشات المطاعم زي كوودو ؟؟!!!!!
لانه يصير فيها نكهه حلوووه مررره !!!! هل هي صلصة الصويا ؟؟؟!!!!!
ودي اسأ ل فلبيني يشتغل في كوودو خخخخخخخ
تحياااااتي
نورتوا …!
