قالت انا من حبك اليوم مليت … مليت من حبك وانا اليوم بنسااك
ان كان يالمزيون عني تخليت … وانا ثمان شهور وانا اترجاك
ان كان في صدك علينا تماديت … وعذبتني ببقى معك واتمناك
انت الذي سهرت عيني وعنيت … عنيت قلبي يادعج العين وياك
وانا كتبت الشعربيتن ورى بيت … ابيات شعري كلها تطلب رضاك
وانا الذي علمتك الحب واخطيت … اخطيت في حبي على علم وادراك
وانت الذي سهرت عيني وبكيت … ابكيت عيني وتطلب اليوم اجفاك
ياما بنار الحب منكم تكويت … كويتتي بيديك وانا اترجاك
وياما سهرت الليل لجلك وونيت … اصيح وابكي وانت عالصد مقواك
وشلون تنسى الحب ياللي تعديت … على الضماير وتطلب اليوم فرقاك
اخلصت في حبك اذا رحت وان جيت … ومعاهدك ياللي خلق روحك وسواك
حطيت لك دبله وسويت لك صيت … واعلنت حبك للبشر عند شرواك
يابنت انا بالحب واافي ووفيت … واعطيك كثر اللي من الحب ماجاك
وببقى احبك لو عن الحب صديت … ماينفعك صدك وانا دووم ويااك
اخطيت في حقى اي واله اخطيت … وانا الذي ماجين اعدد لك اخطاك
وتقول حبي كان كذبه ومليت … وش عرفك باللي بقلبي ودراك
وان كان ناوي ترحل اليوم ياليت … خلني ذكرى جميله بين الافلاك
وان كان في بعدك تعبت وتعنيت … ارجع على حبي تراني اتحراك
عندي امل في رجعتك كام زليت … بصبر على الزله وبفرح للقيااك
وصيت قلبي يادعج العين وصيت … انه يصون الحب من شان عيناك
وعلى نبي الكون سلم وصليت … عد النجود وعد ماتدور الافلاك
صح لسانك
على الكلمات المعبره
والمؤثره في نفس كل العاشق
وعساك يارب على القوه دوم
