الوسم: الغيم

ما زلت أتنفسك وما زلت أحتاجك
وما زال حسك معي يالقاطع الناسي

ما زلت في الذاكرة من يطفي سراجك
من يوهم الليل واحزاني وحراسي

ومن يقدر يطول قلبي عرشك وتاجك
لو شاف تتعب عيونه يا بعد ناسي

ولو كنت تفتح اذا تشتاق ادراجك
بتشوفني هناك مع حبري وقرطاسي

ما انكر اني وانا في صلب منهاجك
كنت املأ بالحب والتقدير كراسي

واروي من عيونك الخجلى من حجاجك
كل التفاصيل لين تفيض من كأسي

يا مزعل الغيم من حسنك وديباجك
ما جيت لك غير ظامي منكشف رأسي

أحمل على كتوف صبري سلة احراجك
وارمي بها في غياهب دافي احساسي

ليييين اقنعك انني ما زلت محتاجك
واتنفسك في الغياب وحضرتك ناسي

منقووووووول

الله اعلم وش اللي صار بين المحان !!
مـن سبايـب هنـوف ساقـت ركابهـا !!
المشاعـر تـرازم والقصايـد لسـان !!
واللقـا منتظـر والشـوق غنابـهـا !!
جادل تستميل الغيـم مـن حيـث كـان !!
لين صـدر الغمـام اشتـاق لترابهـا !!
الولا والوفا والحـب والامتنـان !!
كلها ترسم الضحكـه علـى اهدابهـا !!
والغلا ينتشي والشعر يزهر عشان !!
يسـرق عيونهـا ويزيـن باعجابهـا !!
اطهر من النقا وازكى من الزعفـران !!
واصدق مـن الشعـور اللـي تهقوابهـا !!
لو تبسم يضيع الشيح والقحويـان !!
و لو تضيق اغلقت شمس الرضا بابها !!
تحتوينـي محبـه واحتويهـا حنـان !!
وا تعنـى لهـا وامـوت واحيابـهـا !!
لو تهون المحبـه حبهـا مـا يهـان !!
ولو تزيد الجفـا بامـوت باسبابهـا !!
ولو يقولون مال الحب عهد وضمـان !!
قلت انا ادري ولكـن قلبـي ادرابهـا !!
ولو تطول الليالي لو يشيـن الزمـان !!
لـو يديـن الجفـا تهـوي بمخلابـهـا !!
في خفوقي غلاها ما يزعـزع مصـان !!
دونه ضلوع صـدري ساتـر حجابهـا !!
احتريها على كـف اللقـا والمكـان :
( بيـن روح المحـال وبيـن جلبابهـا ) !!