قصيدة اعجبتني وحبيت انقلها لكم
صدقيني العيد نفسه ما تغير من سنين
فرحة اطفال وتلاقي..لمة احباب وقرايب
والاغاني والكروت وقولة (من العايدين)
والتمام الشمل يوم العيد .. وانسام الهبايب
والتهاني والهدايا وحب روس الوالدين
والمواصل للعمام .. وللخوال .. وللنسايب
كل حاجه مثل ماهي بس انا حالف يمين
إن لا غبتي باسجل نفسي في هالعيد غايب
وارجعي بالذاكره يابنت وانتي تعرفين
ليه احس العيد عقبك جيته جية مصايب
ليه لا طالعت (كرت العيد) اكفكف دمعتين
من ذكرت اعيادنا وأيام كان الوضع طايب
ذكر اني من (مصلى العيد) وانتي تذكرين
كنت اسابق خطوتيني متجه يمك وذايب
لجل اكون الشخص الاول لجل مني تسمعين
في صباح العيد .. جملة (كل عام احنا حبايب)
لجل نكتب خلف (كرت العيد) ذيك الكلمتين
كنت اجيك بقلب طفل وطيش شاب وثقل شايب
كنت انا اعايد وحالي حال باقي العاشقين
وما معاي الا خفوقي وذي عيوني لك وهايب
وإنتي في اجمل ثيابك كاشخه والزين زين
تثبتين إنك عجيبة غير عن كل العجايب
فرحة العيد .. بلقانا كانت اصلا فرحتين
مثل ضحكات الورود ومثل زخات السحايب
ما ليوم العيد طعم وما لها الذكرى حنين
وكل منا في مكان وكل واحد له طلايب
الرجا في عيد الاضحى يمكن انك ترجعين
ما اقول إلا عسى الله يجزي من كان السبايب
وإن رجعتي وشفتي إني في عداد الميتين
ذا انا باوصيك حاجة قبل تنحط النصايب
طالبك في كل عيد .. بعد موتي .. تكتبين
خلف (كرت العيد) جملة كل عام احنا حبايب
م/ن
ويعطيك العافيه عالنقل الجميل
عزيزتي
ممنوع زخرفات العناوين
راجعي القوانين
وكل عام وانت بخير
وكل عام وانتي بخير
مشكورين عالمرور ماقصرتوا
كل عام وأنت بخير..
كل الأيام التي نعشق فيها أيام عيد..
ويصير العيد أحلى اذا كان لنا مع من نعشق وئام ..
فليكن جميع الناس عشاق ..
وليحل الوئام بين الجميع ليصير العيد أحلى..
منقول رائع
تحياتي
مشكورة على النقل الجميل
في انتظار جديدك
لك تحياتي
