مررت ايام العيد
ونادت سنيه على جارتها سعديه كعادتهم
ونزلت سعديه للجاراتها سنيه
وطبعا قعدت نميمه عن فلان اللى ذبح
وموزعش
وفلانه اللى خدت كام كيلو لحمه
وفجاه قالتلها سنيه
سمعتى عن الخروف الست ام احمد قال ايه جه الجزار الصبح
يدبح الخروف
الخروف مرضيش وراح ناطط من فوق سور البيت وانتحر ومات منتحرا
ضحكت سعديه
وهى بتقولها اصل ام احمد كانت كل شويه تقولك خروفى ده مافيش منه
وهاعمل فيه وهسوى فيه
واقعدت تحلم وترسم فى احلام عن يوم دبح الخروف الهمام، يعينى بس عشان تعرف
انت تريد وانا اريد والله يفعل مايريد
ضحكت سنيه
قالتها طب سمعتى عن موضوع العجل بتاع الست فرحانه اللى دايما مكشره وزهقانه
ردت سعديه وقالتلها لا
ماله
قالتلها، قال برده الراجل الجزار جه بعد صلاه العيد ومجهز عدته ايشى ساطور على سكين
واذا بى العجل ينزل من العربيه اللى جايباه عشان يندبح ادام البيت ويدبحه الجزار يدوب باب العربيه انفتح
والعجل جرى وهما وراه وكان حته مشهد
وفجاه نزل العجل الترعه وهما يحاولوا يخرجوا العجل المعترض لكن مين ياما ما يلحق العجل خلاص اعلن اعتصامه وانه مش هيندبح ابدا
ردت سعديه طب وبعدين:
ياستى نزلوا الترعه ومافكش العجل اعتصامه واعتراضه على دبحه
الا بعد ماخد اربع حقن مخدره، واتربط من رجليه ورقبته، صحى لقى نفسه مربوط ،،قطع كل الحبال وثار وهاج وماكان من الجزار إلا كان يضربه ضربه ويجرى
لغايه ماضربه ضربه على رقبته(ذبحه) وافتكروا خلاص تمكنوا من دبحه راحوا يشوفوه تفتكرى حصل ايه! فجاه لاقوه وقف العجل وقام وهومدبوح واترنح ياولداه شويه شمال وشويه يمين واستسلم للواقع واندبح .
تعرفى صعب عليه والله العجل ، بس هيهرب فين من مصيره وراه وراه
ضحكت سعديه
وهى بتقول ده عجل متشعلق فى الدنيا ومش راضى يسيبها
ردت سنيه على ايه المعفور
تلاقيه كان مصاحب عجله حلوه وكان نفسه يكمل معاها ولاحاجه
ردت سنيه: طب كانوا يشفوها ويدبوحهم سوا
هنا ضحكت سعديه قالتها
كلإ إلا ده:
وقت الجد
كانت هتقولوا باى باى ياخلى، كله الا الدبح
ضحكت سعديه وسنيه
وكل عيد وانتوا طيبين
الرجاء التعليق (شو رايكو في الزمن العجيب )
مع تحياتي محمود فطافطة (احلى حب)
هههههههههههه تقبلي مروري……..؟؟
