ادوية العشرين يوم الاخيرة من النفاس او الحيض:
(طبعا نفس التسلسل الغذائي وغسول الشطف والتحميلات ولكن ستستخدم الكبو قبل النوم مباشرة ,والادوية تختلف قليل فمثلا السفوف يختلف , لكن شاهي الأعشاب نفسه)
1-خذي التالي 2 ملعقة كبيرة من الدواء التالي على الريق مع شاهي الاعشاب السابق,السفوف هو:اطحني(كوب حبة سوداء+م.ك.قرنفل+ م.ك.دارسين(قرفة)+م.ك.فلفل اسود+ م.ص.محلب+ فنجان كمون+ م.ك. نونخة + فنجان صغير حبة حلوة(شمر))+فنجان رشاد غير مطحون
2-التمر مع الرشاد استمري عليه لانه ينظف الارحام
3-اما البخور وهو مايسمى عندنا( بالكبو) يستخدم في الأيام الأخيرة افضل شي تسوينه كل ليلة قبل النوم وتتبخرين فيه وتجدينه عند العطار لان الكبو نوعان : كبو هواء وكبو شمم . استخدمي كبو الهواء.كبو الهواء(بخور النفاس) مكون من (خوا جوا +مرة +كمون + حلتيتة(رطبة أو يابسة) + محلب+ قشر بصلة + هد ب اثل + فلفل هواء + عود هواء + ورق حنا) انا اعطيت المكونات وممكن انتي تكونينها,( كبو الهواء مافيه مقادير معينه, لكن خذي من كل نوع مقدار قبضة اليد واخلطيهم مع بعض واذا جيتي تتكبين خذي من المخلوط مقدار ملعقتين كبار وحطيهم على الفحم وقفي تحت المدخنه او ممكن تحطين المدخنه تحت كرسي مفرغ وتجلسين على الكرسي وبكذا يدخل الكبو
عند التبخر بالكبو البسي ملابس واسعه بدون ملابس داخليه تحتيه وتغطي جيدا بشرشف وبعد التبخر اذهبي مباشره للفراش مع التغطي جيدا ( طبعا ارتدي ملابسك الداخليه وانتي بالفراش ) ويجب ان تتكببي قبل النوم مباشرة والافضل بعد ارضاع الطفل وبعد نومه ولاتقومي بشغل ,على طول ارتاحي وتغطي للنوم.. ولاتتبخري في نفس الغرفه
اما كبو الهواء الجاهز اخاف يكون معاه اشياء تخرب واهم شيء اذا كان معاه شيء لونه احمر زي الخرز شيليه مو زين. (فلفل الهواء والحلتيته وهدب الاثل) هذولي مع الكبو اذا ما تبين تسوينهم فممكن تحذفينهم.
,اما كبو الشمم فهونفسه لكن شيلي منه فلفل الهواء وعود الهواء وكثري الحلتيتة(لاتستخدمين كبو الشمم الا في حالات معينة)(وبنفس الطريقه سوي كبو الشمم الا انك تشمينه وتحطينه قريب من وجهك وبعدين تجلسين او توقفين زي الطريقه السابقه.)
4-بالنسبة لمنقوعة( اعنزروت+المرة +شوي المحلب ),(زيديها قليل من مباركة او ماتسمى بالصبرة واستمري على شربها,وممكن ماتزيدينها).
————————————-
تحميلات المهبل(من بداية النفاس إلى آخره وهي للمتزوجات فقط ,ولاتستخدم مع اللولب):ملاحظه (تستخدم للمتزوجات فقط ) استخدميها من أول يوم لانها تعمل كمطهر للجروح وكمنظف وطارد للدم الفاسد .
استخدميها كل يوم وإذا بغيتي يوم ورا يوم ,
اطحني مقدار( .م.ك.مره +م ك محلب+ فنجان ملح خشن أو ملح فارسي)واعجنيه بعسل طبيعي ان وجد لحد مايتماسكون وكوريهم كبر حبة نوى التمر ويبسيهم يومين(انشريهم في تيارات الهواء وبعد ماينشفون) احفظيهم في مكان جاف ومو شرط الثلاجة كل ليله ضعي تحميله واحده صغيره كبر نوى التمر ( اصنعي كميه تكفي نفاسك)اوحيضك, التحميلة بنفسها بتذوب داخل الجسم وتنظف كل اللى داخل ,( التحاميل كل فترة النفاس حتى لو طهرتي وصليتي لان الارحام مازالت طريه وبحاجة للعنايه ويجب على الوحدة تجنب الزوج فترة الاربعين حتى لو طهرت, التحاميل تستخدم اثناء الدورة او بدون عادي) والله انا ما اتقيد انا بمقادير اقدر تقديرولكن ممكن انك تقللين المرة او تزيدين الملح او العكس
(م.ك مرة+م.ك محلب+ فنجان قهوه ملح) وتعجنيها بعسل وتكورينها وتخلينها بمكان فيه تيارات هواء لمدة يومين وبعد ماتنشف تستخدمينها.
وانصح ان لاتستخدم تحميلات لاتعرف مكوناته وافضل التحميلات اللي ذكرت لانه لو تركته لم تؤثر عليها .
س : بالنسبة للتحاميل عملت الخلطة (محلب وملح خشن ومره (طحنتها )وعجنتها بالعسل لكن صارت راخيه وكل ما اعملها واصفها بالصحن ترجع تسيح وتتمدد بالصحن ج : يمكن انك تكثرين العسل عشان كذا اصبح صعب عليك التحكم فيها قللي كمية العسل وحطي عندك شوي مويه عشان تبللين يديكوانتي تعجنين وتكورين
ممنوع استخدام التحميلات مع الولب يخربن اللولب, واللي مركبة لولب :مافيه اي شيء اذا تركتي التحميلات واهم شيء الادويه الداخليه السفوف والشاي والاهم انك تتقيدين بترك الممنوعات والجوع اثناء الدورة والحيض وان شاء الله بتشوفين بنفسك
الفرق لما تخف المويات والرطوبة ولكن استمري ولاتملين (الحامل تتجنب التحميلات عشان ماتسحب موية الطفل وكذلك تتجنب الأعشاب والأدوية عموما)
غسول التشطف للمناطق الدخليه يكون يوميا باستخدام الغسول التالي لمنطقة المهبل وهو:
( ارطا يكسر+ يطبخ مع ماء + ملح) تلاحضين لونه يتحول الى الاحمر لاتخافي عادي ثم صفيه وضعيه في جركل وتوضئي منه يوميا
( انا اقدرها تقدير ولكن خذي مقدار 3كوب ارطا +1كوب ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه ,الغسول مرة في اليوم ايام الحيض والنفاس واكتفي بالتنشف بالمناديل
,اغلي الارطى مع الماء والملح لمدة ربع ساعه وبعدين صفيه واحفظيه للاستخدام لتشطيف تلك المناطق) اذا مالقيتي ارطا ممكن عرن او اكتفي بملح وماء
لالله الا انت سبحانك اني كنت من الظالمين
52
بالنسبه للنظافه : ممكن الاستحمام كل اسبوع بس علي السريع وانتي واقفه تحت الدش اما يوميا فتغسلي من الرقبه الي السرة فقط بماء وصابون عادي وتجنبي وصوله الى المناطق الأخرى, التغسيل بالماء او الصابون وقت الحيض او النفاس من مسببات الخراب ولكن في الاوقات العادية غسلي بماء وصابون عادي ولكن تجنبي الشامبواو الصابون المعطر انا شخصيا استخدم (صابون ديتول) بس مو دايماواحرصي انك تنشفي المناطق هذي بعد التشطف بمناديل أي نوع لان الفطريات والبكتريا تحب تتجمع في المناطق الرطبه الحارة وهذا من المساعدات على حصول الالتهابات.
الرائحه : فيه عرق الظهر يوضع مع الحلبه ويمنع الريحه ,ولكن انا انصحك ماتستخدمينه لانه يذهب فائدة الحلب, و ممكن تطحنين(شبه بيضاء(كبر حبة المشمش) +البودرة اللي تحبين),كل يوم الصباح غسلي منطقة الابطين وضعيها , ريحة الادويه ماتطلع اذا كانت المدة طويله بس التحميلات اذا قبل بليله تبين بس انتي وشطارتك عشان تروح وعلى كل حال هي ريحه مو قويه يمكن انتي بس تلاحظينها جميع الادويه السابقه مالها ريحه الا الحلب. وهو ضروري استخدامه والنظافه تشيل ريحته مع البخور بعود اصلي لملابسك والعطر العادي ومزيلات العرق وتغسيل منطقة الابط يومين.
وان شاء الله الي تتبع الكلام السابق سوف تدعيلي وقد تكون بعض النساء خربانة وتلاحض خروج الكثير من السوائل من المهبل لاتخاف وتستمر على ذلك كل حيض وسوف تلاحض الفرق بعد الشفاء ان شاء الله, و النظام السابق اللي انا وضعته ماتتخيلين مفعوله وخاصه التمرة مع الرشاد والسمن البلدي ,والخراب عشان الوحده تطيب منه ميه بالميه لازم يكون بعد نفاس بس اذا الوحده سوت النظام لمدة اربعين يوم عادي تكون بأذن الله نسبة الشفاء ثمانين بالميه وهذا تقدم ومع الدورات ترجع مثل اول واحلاواهم شي صحتها قبل كل شيء
ولاكن ارجع وانبه ان الجوع او الرجيم في تلك الفترة ممنوع .لابأس با لسمك والروبيان,
تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار من الردود الماضيه وتستخدم السفوف وشاي الاعشاب والتمرة مع الرشاد مهمه
(طريقة النظام اللي انا كاتبته هو افضل شيء لان كل حاجة محسوبه يعني توقيت هضم المعده وتوقيت امتصاصها للادويه وتوقيت الفائدة من
هذه الادويه.خلطات بأذن الله ماتضر ابد وجميع النظام السابق يصلح للبنت الا (التحميلات)).
بالنسبه لمن تريد اتباع النظام لمدة اربعين يوم حتى لو كنتي مو نفاس بس انك بالنسبه للنظافه عادي غسلي وتنظفي بالماء ولكن اذا جتك الدورة وسط هذي الايام اقلبي النظام من جديد ,لمن تريد اتباع النظام لمدة أربعين يوم أول يوم فيها هو أول يوم في الدورة:مع بداية الدورة ابدئي بنظام الثلاث الايام الاولات ثم الثلاث الايام الاخيرات وبعد ماتخلصين وتطهرين اعيدي النظام من جديد 20 يوم الاولات ثم 20 يوم الاخيرات واثناء هذه الفترة اذا جتك الدورة اقلبيه من جديد واذا خلصتي كملي على الايام الاخيرة لحد ماتخلصين كل 40 يوم وان شاءالله ماتشوفين الا العافيه وبالنسبه للتحاميل تستخدم اثناء الدورة او بدون عادي اما الغسول فمن الخارج فقط
احرصي على: إضافة الفلفل الأسود كذلك اللوبياء الحمراء مع المرقوق أو المطازيز وإذا عندك فقع (كمأ) ضعيه مع أكلك ,واعتمدي على البر لأنه جدا مفيد و الماش ممتاز, والعسل ايضاممتاز , استبدلي السكر به(في حالات الكسور والجروح الصعبه نمنع المصاب من اكل السكر لانه مايساعد على التأم الجرح او الكسر وننصح بالعسل الطبيعي لانه يساعد على تكون الانسجة التالفة. عشان كذا قليل مانستخدم السكر في النفاس او الحيض ونلجأ الى العسل الطبيعي .)
المقلقل: اللحم ومرقته لما تكون ثقيله ,
المطازيز: مثل المرقوق بس العجينه تكون اصغر , وانا افضل البر لانه مايسمن ولا يساعد على تكون الشحوم في الجسم وهوافضل بكثير من الابيض وممكن انك تأكلين اللي تبين واللي تحبه نفسك ولكن تتجنبين الممنوعات وممكن تاكلين اسماك وروبيان ولحوم وطيور عادي ولكن الممنوعات من الخظار والفواكه ,اما الرز مايفيد ابد بس يكبر البطن(المجبوس). اما شرب الماء مايضر بس لاتكثرين منه على جوع او بارد وهذا الاعتراض ليش؟
لان الماء يكبر البطن و احتباس السوائل ولان كثرته تسبب خراب للارحام اشربي بالمعقول لاتكثرين ولا تقللين
اشرب قرفه وقشر قهوه
وبعض الاوقات كمون
واتشطف بمنقوع المره
واخر يوم احط مسك
منقول
آدري بتسئلوني عن آخباري آخباري زينة يالثقة بس 
