:
:
:
صبآحگم / مسآگم … رضآ و مسرآت
من زمآن عن مطبخ عبير ,. هفتني نفسي عليه اليوم فقلت أنزل أشيآءآتي المطبخية
بالنسبة لي هالطبخة إنجآز بل ومعجزة ..!
لأني مستحيل أطبخ لحم , أو أقعد في مطبخ قآعد ينطبخ فيه لحم
عندي عقدة نفسية من ريحته وهو ينطبخ مدري ليه ما أتحمل الريحة المنبعثة تجيني دوخة
گآنت أمي لاطبخت غدآنآ لحم , أطلع الدور الثالث و أصگ علىآ نفسي ألين تنتهي المهمه بسلآم …
وطبعا گل شفاطآت البيت تشتغل و گل الدرايش تنفتح
{ لزوم التهوية
ومن أعرست صآرت أمي ترسل لنآ غدآنآ لاشتهينآ لحم تفآديآ لأي نوبآت إغمآء وحالات وفآة
{ ياشيخة لو إنهآ عملية قسطره
المهم في يوم من الأيام
{ وآضح إن السالفة مطولة !
صحيت من النوم وقلت يآبنت إلىآ متىآ يعني ! أمتس موب مگلفة فيتس إنتي ورجلتس ! عيب تسنعي !
و أقسمت علىآ أن أقتحم الصعآب و أخوض هذه التجربة الدآمية
و أخذت لي شمآغ و تلثمت به و دخلت المطبخ بقلب جآمد , وآضعة نصب عيني أحد أمرين إمآ الفوز بالمهمه و إمآ الشهآدة
والحمد لله طلعت قدهآ و قدود
{ الحمد لله بعد بقلبتس شي ولآ خلآص خلصتي ..؟! نزلي طبختس الحين !
●●●●●●
المقآدير
2 كآس ونص / رز
كيس لحم مقطع بأحجآم متوسطة
2 علبة زبآدي
4_5 فصوص ثوم مدقوقة
2 ملعقة كآري ( بآكستآني )
ملعقة كبيرة كركم
ربع ملعقة صغيرة صفآر الزعفرآن
ملعقة صغيرة ملح , مكعب مآجي
بهآرآت عدله : هيل , مسمآر ( قرنفل ) , عود قرفة …
حشوة التزيين :
حبة بطآطس مقطعة مكعبآت و مقليه في زيت غزير …
حبة بصل مقطعة شرآئح طولية و مقلية ( نحمرهآ زيآدة لين يصير لونهآ غآمق )
صنوبر , كآجو , لوز حبآت كاملة و مقشرة { كلهآ تتحمص في زيت …
●●●●●●
الطريقة :
1/ غسلي اللحم لحد مآ ينظف و حطية في زبديه و اخلطية مع الزبآدي + الكركم + الكآري + الملح + الثوم + صفآر الزعفرآن …
2/ حطي ملعقة زيت في قدر الطبخ و احمسي فيها عالنآر الهيل و المسمآر و عود القرفة …
وبعدهآ حطي الخلطة عليهم و زيدي عليها ( شوي مويه + المآجي ) الين يتغطىآ اللحم , و إتركيه يطبخ لحد مآيستوي ( سآعة وربع تقريبآ )
طبعآ تختلف مدة الطبخ حسب كمية اللحم و حجم القطع …
والمهم إنك تشيكين عليه كل شوي و تزيدين عليه المويه لو حسيتيه نشف …
هذآ شكل اللحم بعد ما إستوىآ
3/ إغسلي الرز و نقعيه ربع سآعة , و بعدهآ اسلقيه ( ثلآث أربآع سلق ) و صفيه من موية السلق … لا تخلينه يستوي مره …
4/ إقلي البطآطس والبصل و حمصي المكسرآت ,. خذيهآ وحطيهآ في قآع قدر بالترتيب ( بصل _ مكسرآت _ و في الأخير البطآطس ) ..
5/ حطي فوقهآ اللحم و خلطة الزبادي اللي معآه بعد مآيستوي , و في الأخير حطي الرز و أضغطيه بالملعقة عليهم ..
6/ إكتمي القدر و خليهم على نآر هآدية لمدة ربع / ثلث سآعة … وبعدهآ أقلبي الطبخة في صحن التقديم …
بس و هذآ شكلهآ
الكمية تكفي / 3 _ 4 أشخآص تقريبآ …~
دعوآتكم حبيبآتي =)