الوسم: البقر

!!البلد عملت مسابقة ملكة جمال البقر ياجدعان

أى والله
والخبر جاى فى كل وكالات الأنباء والصحف.. وجايبين صورة البقرة وهما غاسلينها وحاطين على شعرها هيد أند شولدرز.. وحاطين جيل على شعر حواجبها عشان مايبقاش على الخدود يهفهف ويرجع يطير.. وملمعين القرنين وعاصرين عليهم لمونتين وبكم الجاكتة زى أحمد بدير فى ريا وسكينة

المسابقة ماشاء الله كان عليها إقبال كتير وده بسبب زيادة أعداد البقر فى البلد بشكل ملحوظ!! وكانت فى التصفيات 120 بقرة بالصلا ع النبى..دول بقى اللى عدوا من اختبارات كشف الهيئة وطول القرن وجمال الديل.. من الآخر دول البقر المزز بقى
وبدأت تصفيات المسابقة الرهيبة.. وفيه كام بقرة طلعت برة المسابقة عشان خايفين على نفسهم من تحرشات الجاموس اللى بيحكم..ومفيش بقرة شريفة ترضى انها تتكشف وهيه عريانة قدام اللى مايسواش واللى مايسواش
وبعد محاولات للوقيعة بين آخر بقرتين.. وبعد أن استخدمت البقرة الفائزة سلاح الإغراء على الجاموس اللى بيحكم.. فازت بقرة أسيوط بالمسابقة وسط تصفيق وتهليل
..وزع كاكولا يا ابو صابر
!!وزغرطى يا ام بهانة
الجميل بقى فى الموضوع ده لجنة التحكيم..أيوة ..لجنة التحكيم حضرتك من أسبانيا
يعنى احنا جبنا تليفون محكمين من أسبانيا.. واتصلنا بيهم وقلنا لهم: احنا بس عندنا مسابقة ملكة جمال البقر على قد ما قسم.. فضلة خيركم يعنى .. وعايزينكم تشاركونا الفرحة..وعلى رأى المثل ..خليك بقر يحتار عدوك فيك
وطبعا بقى رفعنا يفط كبيرة احتفالا بالمسابقة وشعار المهرجان:

بقرة جميلة ترفع بلاوى كتيرة

وأغنية المهرجان بقى: هيه البقر كده لييييييييييه.. بقى ليها لون تااانى

طب البقرة اللى فازت علقوا لها الميدالية الذهبية فين؟؟ فى قرنها؟؟وللا ف ديلها باعتباره موطن الإغراء؟؟
طب تعرفوا الجايزة كام؟؟ 5أجولة علف..بس علف ملكى بقى.. مش من بتاع البقر التانيين..يعنى مثلا زى ما احنا بناكل الرغيف اللى بشلن اللى مايتاكلش..وغيرنا بياكل فينو من النضيف.. ليه بقى؟؟؟ عشان هما بقر
وزيادة عن جايزة العلف..البقرة هتاخد 350 جنيه كاش..يعنى مش هتروح صراف آلى ولا حاجة..هتستلمهم حافر بحافر من الجاموس اللى بيحكم
اوعى حد يفترى على الحكومة ويقول انها أغفلت مناسبة عظيمة زى دى.. يتقطع لسان اللى يقول كده..محافظ أسيوط بنفسه كان متابع المسابقة وهوه اللى أمر بصرف الجايزة..

حكومتنا زى الفل..بتعمل مسابقات وطنية جامدة.. النهاردة البقر ..بكرة مسابقة أجمل كلبة..وبعد بكرة مسابقة أجمل برص..والجايزة هتبقى شبشب يفرم أمه ع الحيطة

واحد هيسألنى: طب وال 350 جنيه دول جايين منين؟؟

أقول لحضرتك:

دى فلوس موظفين الضرائب العقارية اللى معتصمين فى الشارع من كام يوم

وفلوس الدعم اللى عايزين يلغوه.. وفلوس مصاريف الجامعات اللى زادت كام ضعف..وفلوس مرتبات مدرسين شباب مانعين تعيينهم عشان مفيش ميزانية..لا ماتقلقش الحكومة بتتصرف يابا

والبقرة زمانها بتحلم بقى دلوقتى بلقب ملكة جمال بقر العالم..ويمكن تشتغل الفيلم الجاى مع محمد سعد برضه.. ويجيلها عقود احتراف من كل مزرعة فى العالم
وياسلام بقى وهيه ماشية تتغندر بقى فى أسيوط ولابسة التاج الملكى..

ماشيةالسنيورة كده كده اهو.. عايزالها صورة.. كده كده اهو..

ويعملوا الحوافر بالمونيكير والباديكير..وأكيد برضه هتشرب من الترعة الأول قبل بقية البقر

نوع المائدة: مكسيكي

نوع الوجبة: طبق أساسي

نوع الوصفة: لحم أحمر, خفيف

الكمية: تكفي 8 أشخاص

مدة التحضير: 25 دقيقة

ملعقة كبيرة من زيت الزيتون

125 غرام أو حبة متوسطة الحجم من البصل، المفروم فرما ناعما

300 غرام من لحم البقر الهبر المفروم

300 غرام أو حبتان متوسطتا الحجم من الطماطم، المقشرة والمقطعة إلى مكعبات

ملعقتان كبيرتان من معجون الطماطم

علبة أو 240 غرام من الفاصوليا الحمراء، المصفاة

مكعبان مفتتان من مرقة الدجاج ماجي ملح أقل

100 غرام أو حبة صغيرة من الفليفلة الحلوة الحمراء، المقطعة إلى مكعبات

100 غرام أو حبة صغيرة من الفليفلة الحلوة الخضراء، المقطعة إلى مكعبات

½ ملعقة صغيرة من مسحوق الكمون

½ ملعقة صغيرة من الفلفل الأسود

½ ملعقة صغيرة من الاوريغانو المجفف

½ ملعقة صغيرة من مسحوق الفلفل الحلو

½ ملعقة صغيرة من مسحوق الفلفل الحار

½ ملعقة صغيرة من مسحوق الكزبرة

8 رقاقات تورتييا المصنوعة من دقيق القمحة الكاملة

طريقة التحضير:

يسخن زيت الزيتون في قدر كبيرة غير لاصقة ويضاف البصل ويقلى حتى يصبح طريا. يضاف لحم البقر المفروم ويطهى لمدة 5 دقائق أو حتى ينضج.

تضاف الطماطم ومعجون الطماطم ويحرك المزيج لمدة 3 دقائق أو حتى تصبح الطماطم طرية ثم تضاف الفاصوليا الحمراء، المكعبان المفتتان من مرقة الدجاج ماجي ملح أقل، الفليفلة الحلوة الحمراء ،الخضراء ،الأعشاب والتوابل. يحرك المزيج من وقت لآخر ويطهى على نار خفيفة لمدة 5 دقائق ثم يرفع عن النار.

توضع كمية من مزيج لحم البقر فوق كل رقاقة من رقاقات تورتييا القمحة الكاملة المسخنة ثم يقدم.