الوسم: lady

حبيت شارككن اليوم بسلطة خفيفة وطيبة كتير من مطبخي
ان شاء الله تعجبكن
المقادير:
بقلة(رجلة)
فليفلة خضراء
بندورة
خيار
نعنع
ملح
حامض
زيت زيتون

الطريقة:
نقطع الخضار ونغسلهم ثم نضيف الملح والحامض وزيت زيتون..
وتقدم مع الطعام أو كعشاء خفيف..

وهيدا الشكل النهائي:

الحمص بـ طحينةة أحد أهم المقبلات الرمضانيةة وغير الرمضانية للعيلة اللبنانيةة وبيعتبر برمضان له نكهةة خاصةة ومميزةة عالفطور.

المقادير :
كوبان من الحمص المسلوق (ينقع من قبل بيوم),أو المعلب,
فصان من الثوم , مقشران ومهروسان مع الملح ,
نصف ملعقة شاي من الملح ,
نصف كوب من عصير الليمون ,
ثلاث أرباع كوب من الطحينة ,
ربع كوب من البقدونس المفروم فرما ناعما ,
رشة كمون ..

طريقة التحضير:
صفي الحمص واطحنيه بمطحنة الخضار ,
احتفظي بملعقة طعام من الحمص الحب للتزيين ,
اخلطي الثوم المهروس والملح وعصير الحامض خلطا بطيئا بالطحينة ,
أضيفي الخليط إلى الحمص المطحون واخلطي جيدا ركزي النكهة والتماسك بواسطة عصير الليمون الحامض
وأضيفي الملح عند الضرورة ..
يجب أن يكون الحمص سميكا وناعما ..
اسكبي المزيج في أطباق التقديم وزينيه برشة كمون وبقليل من زيت الزيتون والبقدونس المفروم وملعقة الحمص الحب
_قدميه باردا_

وهيدا الشكل النهائي:

صحتين وهنا ع قلوبكن..

من زمان ما نزلت طبخات اشتقت للقسسم كتييير وهلأ جايبتلكن نوع من المقبلات ان شاء الله يعجبكن..^ــ^

المقادير:
بندورة مقطعة مكعبات صغيرة
فليفلة خضراء مكعبات صغيرة
بصلة مبشورة
م ك صلصة
دبس الرمان
بهار مشكل
ملــح
زيت زيتون

الطريقة:
نقطع البندورة والفليفلة لمكعبات صغيرة
ثم نضع القليل من زيت الزيتون بالطنجرة
ونضيف البصل المبشور والبندورة والفليفلة ونتركهم قليلا
ثم نضيف الصلصة والملح والبهار ونتركهم ليغلوا
ثم نضيف دبس الرمان رشة صغيرة بتعطي طعم طييب كتييير
وبسس../

هيدا الشكل النهائي:

وصحتين وهنا ع قلوبكن..

ملاحظةة:تقدم مع المقالي متل السمك او الباذنجان والقرنبيط المقلي..

​

المقادير:
شرائح صدور دجاج بدون عظم
شرائح بندورة(طماطم)
فلفل حلو مشكل(فليفلة)
جزر مبشور
ملفوف مبشور
ذرة
فطر(مشروم)
بصل
ثوم
زيتون حسب الرغبة
مايونيز
جبنة موزاريلا

مقادير تتبيلة الدجاج:
نتبل الدجاج بـ(ملح-بهار أبيض-بهار حلو-قرفة-كمون-خل-حامض-صلصة-زيت-زيت زيتون).

الطريقة:
نقلب الخضار مع بعضها ثم نضيف الدجاج المتبل
ونضعهم على نار هادئة لمدة نصف ساعة
ثم نضيف المايونيز والجبنة وعندما تذوب الجبنة نطفئ النار
ويمكن أن تعمل ساندويشات مع البطاطا المقلية والثوم والكاتشب والخردل ..وتقدم

وهذه الصورة النهائية:

وصحة وهنا عقلوبكن

المقادير:
1/2 كيلو لحمة مفرومة ناعمة
1/4 كيلو برغل منقوع لمدة ساعة
بهار كبة
ملح

الحشوة:
بصلة مفرومة
لحمة مفرومة
زيت
ملح
بهار حلو
قرفة

طريقة تحضير الحشوة:
نقلي البصل بالزيت ونضيف اللحمة والبهار والملح ونقلبها حتى تستوي.

طريقة عمل الكبة:
ندعك لحمة الكبة مع البهار والملح والبرغل جيدا حتى تصبح مثل العجينة متماسكة

ثم نمد طبقة من الكبة بالصينية بعد وضع القليل من الزيت:

ثم نضيف الحشوة:

ونمد طبقة أخرى فوقها من الكبة:

وندخلها الفرن والنار بتكون من فوق وتحت لتستوي وكل شوي شوفيها بالشوكة إذا استوت

وتقدم مع البطاطا المقلية والسلطة

وهيدا شكلها النهائي:

واستمتعوا بطعم ولآ أطيب مع أكلاتي الطيبين يم يم

صحتين وهنا عقلوبكن

المقادير:
ورق عنب
شرائح بطاطا
شرائح بصل
زيت زيتون
حامض
ملح
ماء

الحشوة:
رز مصري
بقدونس مفروم ناعم
نعنع مفروم ناعم
بندورة مفرومة ناعمة
بصلة مبشورة
ملح
حامض
زيت زيتون
دبس الرمان
صلصة(حسب الرغبة)

طريقة التحضير:
ننقع الرز لمدة نصف ساعة
ثم نحضر الحشوة
ونخلط الحشوة مع بعضها ونضيف الرز
ونحشي الورق عنب ونلفه
ثم نضع في القدر(الطنجرة)البطاطا والبصل المقطع شرائح
ونصف الورق عنب فوقها
ونضعها على نار هادئة مع إضافة الملح والحامض والزيت والماء
ونضع فوقها تقالة(أي شيء تقيل متل صحن وفوقه إبريق شاي معبأ بالماء)لحتى ما يفرط الورق عنب^ــ*
ومنتركها لمدة ساعتين تقريبا

ثم يسكب ويقدم..

وهيدا شكله النهائي:

تحميل صور

صحتين وهنا عقلوبكن..

تحميل صور

يعرف الفتوش "بملك السفرة " كما يطلق عليه اللبنانين، فسلطة الفتوش من أشهر المقبلات الشرقية،
وقد اكتسب هذا الطبق شهرته الواسعة لاحتوائه على عدد كبير من الخضروات..
ويفضل كثيرآ في رمضآن..~

المقادير:

3 حبات بندورة
4 خيارات
ضمة( بقدونس_بقلة)
خس
فجل
جزر وملفوف (اختياري)
حصين ثوم
بصلة
نصف فنجان حامض
ملح, زيت
سماق,دبس الرمان
خبز مقطع ومقلي

طريقة التحضير:

نفرم الخضار
نغسلهم جيدا ونضعهم في مصفاة حتى يتصفو منيح
نتركهم حوالي ساعتين تقريبا
نضعهم في الوعاء
نضيف البصل المقطعه والثوم
ونضع لهم الحامض والملح وزيت الزيتون والسماق ودبس الرمان
ونضع الخبز المقلي فوقهم
نخلطهم جيدا ونقدمهم..

وهيدا الشكل النهائي:

وصحتيــن وهنا ع قلوبكــن..~