1- اول شي نغسل الدجاج زين ونقطعه حسب الرغبة ونحطه في بادية نايلون او بلاستيك ( لان مثل ما انتوا عارفين انه مايصير نتبل اللحم او الدجاج في قدر معدن او ستيل يقولون مو زين ولان البهارات تتفاعل مع المعادن ،، هذا اللي انا اعرفه )
2- نخلط البهارات مع بعض ( لومي اسود – فلفل اسود – بهارات الدجاج وشوي ملح مع زيادة اللومي الاسود ،
بالاضافة الى تقطيع البصل ( وكل ما زاد البصل كان افضل ( بس عاد ما تحطوا خيشة بصل كامله )
3- نبدي في دعك الدجاج مع البهارات المخلوطة والبصل … وبعد ما نخلص نصب على جميع قطع الدجاج قوطي روب ونخليه في الثلاجة لفترة انت تقررها .. كل ما زاد كان احسن
4- وبعد هذا نفرش القصدير ونسوي القصدير 3 طبقات ( يعني 3 تحت و3 فوق ) مثل ما شايفين بالصورة
5- نبدأ في وضع الدجاج على القصدير مثل ما شايفين بالصورة
6- بعد ما نخلص من وضع الدجاج ، نقطع شرائح من البصل والطماط ونحطه على الدجاج ، ثم نقوم باغلاق القصدير بإحكام ودقة
– بعد ما سكرنا القصدير ( طبعا نكون شابين الفحم ) نشيل القصدير ونحطة مباشرة على الفحم يعني لا تحطونه على الشبك … حطوه مباشرة على الفحم ، بس ديروا بالكم على القصدير لا ينشق او تفتح فتحه ولو كانت صغيرة ، ولو حصل هذا بس لا تحاتون اذا صار كذا حاولوا تسكرونه وتخلون القصدير على الفحم مده أطول ، يعني اذا ما كان مشقوق القصدير يبيله من 45 دقيقة ، واذا انشق القصدير يبيلة ساعه ، با ، ولا تخافوا اذا خليتوه اكثر عادي ما راح يحترق ….
8- بعد ما خلصت الساعة نشيله شوي شوي لانه حار وديروا بالكم ترى القصدير بسرعه ينشق
9- نبدأ بفتح القصدير
10- راح تشوفون مفاجأه … تشوفون ان الدجاج ذايب والطماط فوقه والبصل
يعني شي عجيب..
اعرف هالطريقه
حييييييييييييييييييل روووعه
طعمها جونااااااااااااااااااااااان
يعطيك الف عافيه ياقمر
في انتظارك بكل تألق .
الله يعطيك العافية قلبي
وربي لذيذ لمن نشوووويه…………
وحتى الريحه شي ثاااني…………..يعطيك الف عاااافيه ياقمر…………..
امممممممممممممممممممممممم
يعطيك العافيه ع الدجاج
الله يعطيك العافيه ياقلبي
جنااااااااان صراحة >> إن شاء الله بجربها قريب
تقبلي مروووري,,,
والله ما في اذكي من المشاوي
ورح أجرب الطريقه عن قريب
انا علي ثقه انها ذاكيه
لانه الجاج ما رح يكون ناشف من الشوي
يسلمو دموع فلسطين
واااااااااااااااااااااااااااااااااو
شكلة يشهي
يعطيك الف الف الف عااااااااااااااااااااااااااااااااااااااااااااااااااافية
ألف شكرسعدت بمروركم الراقي
بالهناء والشفآآآآء
تحيتي
