الماكرون
مقآدير
* 3/4 كوب (90g) لوز مطحون
* 3 بياض بيض
* ربع كوب ( 55g) سكر حبيبات ناعمه
* كوب وربع ( 200g) سكر مطحون
* نص م ص روح جوز الهند
* ربع كوب ( 20g) جوز الهند مجفف
الطريقه ~
* حظري كل المقادير جمبج أفضل .. الألموند لو تشترينه مطحون أسهل لج . .
لكن جربت أن أنا أطحنه بالبيت بنفسي والطعم كآن ألذ بمليون مره .. لكن متعب بشكل مو طبيعي ..
لأن طول الوقت تكونين خايفه الألموند ينعجن عليج لو أنعجن معناه الزيت طلع منه وبيخرب عليج المكرون ..
* جوز الهند المجفف أطحنيه أكثر .. كل مآ كانت المكسرات ناعمه كل مآ صار صطح المكرون أنعم وأحلى ..
* بياض البيض خليه بصحن برع الثلاجه لمدة ليله كامله أو يوم .. عشان يتبخر المآي اللي بالبيض ..
* كل الشغل يكون يا بصحن ستانليس ستيل أو زجاج .. البلاستيك يخرب المكرون . .
* أول خطوه ينخلط بياض البيض الى أن يكون رغوه وفقاعات وسوفت بيكس
* يضاف له الكسترد شوقر ويمل خلط لين تتكون مرحلة منقار الطير ..
منقار الطير هي مرحله تسحبين فيها الويسك ويتكون قمم مثل منقار الطير ..
وضروري تتأكدين أن السكر بهالمرحله ذاب ..
دخلي صبعج بالخليط وتحسسي لو باقي أي حبيبات سكر كملي خلط ~
* بعدها نضيف له روح الفانليا أو روح جوز الهند اللي تحبينه ..
* نخلط جوز الهند واللموند والسكر المطحون بصحن زجآج ..
اللوز حتى لو شريته جاهز أتأكد أنه مطحون عدل وكله حبيبات ناعمه ..
آنخله أول .. والسكر نفس الشي تأكدي أنه بودره ناعمه جدا ..
* نضيف بياض البيض عالمكسرآت ..
الكميه مو كبيره عشان نجزأ الخليط ..
فالأفضل نضيف بياض البيض له مره وحده ..
* بالسباجيولآ نقلب بخفه بآتجاه عقارب الساعه .. لين يمتزج الخليط ..
هالمرحله متعبه شوي .. لأن ممكن تخربين المرون كله لو خلطتي زياده عن اللزوم ..
خلطي لين يمتزج كل شي وتحسين القوآم نآعم
تقريبا 20 لفه .. وأنتبهي الخلط يكون بأتجاه وآحد وبهدوء ..
* في كيس حلوآني بفتحه دآئريه عبي خليط المكرون ..
مهم يكون فيه تيب دآئريه .. عشان المكرون يكون مدور بطريقه مرتبه ..
* بصحن خبز مصطح غطيه بورق سيلكون أو وآكس بيبر
أنا بالنسبه لي السيلكون أفضل لأن مستحيل يلزق فيه المكرون ..
* شكلي الخليط على شكل دوآئر ورآعي تساوي الأحجآم
لو توكنت مثل القبه على رآس المكرون بللي صبعج بشوي مآي وساويها
أنا أحب شكلهم هالشكل فأخليهم .. ~
* جزء من الخليط فتتي عليه الورد المجفف ..
هذي بتلآت الورد الجوري .. تيجي مجففه ولونها وردي يجنن ..
وطعمها بعد يهبل .. أشتريتها من السوبر ماركت اللي بفيلاجيو نسيت أسمه . .
* نترك الخليط على دسك المطبخ لمدة نص ساعه أو 40 دقيقه
هالحركه هي السبب بتكون القبه الحلوه .. نخليها برع لين يصير الخليط ناشف من برع
يعني لو تلمسينه بالخفيف بصبعج تلاقينه ناشف ويدج ما تتوصخ ..
* تخز فالفرن على درجة حرارة 150 سلسيز لمدة 15 – 20 دقيقه
آروع مرحله وأنا أشوف تعبي جآب فايده لوول .. شكلها يهببل وهي منفوخه فالفرن
بعد مآ يستوي .. نطلعه من الفرن ونتركه يبرد بدرجة حرآرة الغرفه ..
لمدة تقريبا نص ساعه .. لآ تحاولين تشلينه قبل ولآ بتتكسر .. خليها تبرد وتمس نفسها ..
تنشال بشويش .. وتنقلب على ظهرها عشان نحشيها .. ~
نيجي للحشوآت ..
سويت ثنتين بثلاث نكهات . ,
الأولى شوكلت بالحليب مع اللوز المحمص
والثانيه كريم شيز بالفانليا بينز
والثالثه كريم شيز بماي الورد .. والفستق الحلبي .. ~
يتبع